⇐विषय सूचीमा फर्कन

पाठ ३.१०.४

तेस्रो नेत्रको आभास दिने अङ्गहरु

छाला, नाक, कान, मुख, जिब्रो, बोली, आँखा मानिसका ज्ञानेन्द्रिय अङ्गहरू हुन् । मानव शरीरका ज्ञानेन्द्रिय अङ्गहरूको कार्यहरूको परिभाषा, विवरणहरु आज सम्म मानिसहरुले देख्ने बुझ्ने गरेको, विज्ञानले र चिकित्साशास्त्रले गरेको अध्ययन र अनुभव अनुसार र तेस्रो नेत्र अस्वस्थ भएका विरामीहरूले गरेका अध्ययन र अनुभव अनुसार फरक रहेछन् । ती ज्ञानेन्द्रिय अङ्गहरूले विभिन्न फरक अवस्था अनुसार केही भिन्न भिन्न खालका कार्य गरेका हुँदा रहेछन् । विज्ञान र चिकित्साशास्त्रले ज्ञानेन्द्रिय अङ्गहरूका प्रत्यक्ष स्पर्शहरूका मात्र वर्णन गरेका रहेछन् भने तेस्रो नेत्रको वर्णन अनुसार ज्ञानेन्द्रिय अङ्गहरूका अप्रत्यक्ष स्पर्शहरूका पनि वर्णन गरिएका छन् । त्यस ज्ञानेन्द्रिय अङ्गहरूका भिन्न कार्य क्षमता र अवस्थालाई दुइ भागमा विभाजन गर्न सकिन्छ: ज्ञानेन्द्रिय स्पर्शका साधारण र असाधारण अवस्थाहरु ।
ज्ञानेन्द्रिय स्पर्शका साधारण अवस्थाः  छाला, नाक, कान, मुख, जिब्रो, बोली, आँखा मानिसका ज्ञानेन्द्रिय अङ्गहरू हुन् र यी अङ्गहरूका साधारण अवस्थामा गर्ने कार्यहरू यहाँ उल्लेख गरिरहन परेन । आधिकारिक रूपमा मानिसले देखेका सपनाहरूको अर्थ हुन्छ भनेर भनिएको पनि छैन, त्यस सपना अनुसार अर्थ लगाएर त्यसको पालना गर्नु पर्छ भनेर भनिएको छैन । त्यसैले साधारण अवस्थामा सपनाका भावहरूका अर्थ लगाउने र त्यस अनुसार चल्ने चलनहरू छैनन् । ती छाला, नाक, कान, मुख, जिब्रो, बोली, आँखाले गरेका स्पर्श र त्यस स्पर्शसँग आएको भावको सिधा अर्थ लगाइन्छ । अगाडि जुन चित्र देखिन्छन, त्यही भनेर चिनिन्छ र चित्त बुझाइन्छ । ती प्रत्यक्ष गरिएका स्पर्शहरू ज्ञानेन्द्रिय स्पर्शका साधारण अवस्थाहरु हुन् ।

ज्ञानेन्द्रिय स्पर्शका असाधारण अवस्थाः छाला, नाक, कान, मुख, जिब्रो, बोली, आँखाहरूले गर्ने गरेका अप्रत्यक्ष स्पर्शहरू, सपनाहरू, त्यस अप्रत्यक्ष स्पर्शको साथमा आएको भाव, त्यस अप्रत्यक्ष स्पर्शसँग आएको चित्र र आँखा बन्द गरेको बेलामा पनि देखिने गरेका चित्र र भावहरु सबै मिलाएर तेस्रो नेत्रको अङ्गहरु हुन् । ज्ञानेन्द्रियहरूले प्रत्यक्ष गरिएका स्पर्शहरूमा ती स्पर्श गरिएका बस्तु वा चिजहरू अगाडि हुन्छन् र नजिकमा भएका अरू उपस्थितहरूले पनि देख्ने वा स्पर्श गर्न सक्दछन् । तर तेस्रो नेत्रमा गरिएका अप्रत्यक्ष स्पर्शहरू र अप्रत्यक्ष चित्रहरू छेउमा भएका अरू मान्छेहरूले देख्दैनन् । तर तेस्रो नेत्रबाट देखिएका स्पर्श र चित्रहरू त्यस्तै तेस्रो नेत्र भएका र समान ज्ञान र भावना भएका अरू मानिसहरूले पनि देख्न सक्दछन् । मानिसले गरेका यस्ता अप्रत्यक्ष स्पर्शका अनुभवहरू ज्ञानेन्द्रियका स्पर्शहरूका असाधारण अवस्थाहरू हुन् । यी सबै अङ्गहरुले गरेका असाधारण रुपमा प्राप्त गरिएको स्पर्शहरू, चित्रहरू, आएका भावहरू सबै मिलाएर गरिएको तर्क, विश्लेषणबाट निस्केको अर्थ नै तेस्रो नेत्रको भाव हो । आज सम्मका मानिसले आफुले गर्दै आएको स्पर्शहरुको सिधा अर्थ लगाइन्थ्यो । अगाडि जुन चित्र देखिन्छन, त्यही भनेर चिनिन्छ र चित्त बुझाइन्छ । ती साधारण अवस्था हुन् । अप्रत्यक्ष अर्थ नलाग्ने गरेका स्पर्शहरु, बढी स्पर्श भएकाहरु, वास्तविकतामा नभएका चिजहरूका चित्रहरु, छायाँहरु जस्ता चित्रहरु, वास्तविकतामा नभएका आवाजहरु, बोलीहरु, वास्तविकता भन्दा बढि डर र त्रासका अनुभवहरु असाधारण अवस्था हुन् ।
यस्ता असाधारण स्पर्शहरू भएको तर तीअसाधारण स्पर्शहरूका कारण, अर्थ, भावहरू थाहा नभएको अवस्थालाई अस्वस्थ अवस्था भन्न सकिन्छ ।

यस्ता असाधारण स्पर्शहरू तीन स्तरमा विकसित भएका हुन सक्दछन् ।

१. त्यस्ता असाधारण स्पर्श अलि अलि अनुभव गरेका हुन्छन् तर ती असाधारण स्पर्शले जीवनमा कुनै सकारात्मक वा नकारात्मक प्रभावहरू जीवनमा नरपारेका र ती स्पर्शहरू छिट्टैनै भुलिने याद नहुने हुन्छन् ।

२.  त्यस्ता असाधारण स्पर्शहरू पटक पटक भइरहने जीवनमा डर, त्रास, भय, अशान्ती, झगडा मनमुटाब , असफलताको अनुभवहरू गरिरहेका, समस्याहरूका कारण र उपायहरू नपाएर तडपिरहेका अवस्थामा हुन्छन् । आफुले गरेका स्पर्शहरू भुल्न पनि सकेका हुँदैनन् ।

३.  त्यस्ता असाधारण स्पर्शहरूको  अनुभव गरिरहेका कोहीकोही मानिसहरु यस्ता असाधारण अवस्थाको अझै गहिराइमा पुगेर तिनै असाधारण स्पर्शहरूको अवस्थालाई छुट्याउन नसकेर तिनै असाधारण स्पर्शहरूको विश्वासमा पुगेर असाधारण कार्यहरू गर्दै गरेका रहेछन्, जस्तै कानमा आएर बोल्नेहरू सँग आफ्नै तरिकाले जवाफ दिने, उनीहरूसँग कुराकानी गरेर बस्ने, असाधारण चित्रहरूहरू आउदा विश्वास गरेर हास्ने, कुराकानी गर्ने, असाधारण चित्रमा आएकाहरूले बोलाउदा उनिहरूसँगै जाने, त्यसो गर्दा अरूले टोलाएको देख्छन्, एक्लै हिडेको देख्छन्, एक्लै बोलेको देख्छन्, त्यसरी आफ्नो र आफन्तको जीवनमा अशान्ती, असुरक्षित भएको अनुभव गरेका हुन्छन् । यस अवस्थामा पुगेका मानिसहरू आफ्नो  नजिक मा रहेका मानिस हरु को जीवनमा असुरक्षित घटनाहरू निम्त्याउने र अकाल मृत्युका खतरामा हुन्छन् । झुण्डिएर मर्ने, नदिमा, भिरबाट हामफालेर मर्ने, नदिमा हामफालेर मर्ने, वेसुर अवस्थामा कार्यहरू गर्दै झगडाहरू गर्ने, विष खाने, अरूलाई चोट पटक पुर्याउने, अरूलाई मार्ने गर्न सक्दछन् ।

यस्ता असाधारण स्पर्शहरू पटक पटक गर्नेहरू चिकित्साशास्त्रका डाक्टरहरूका निगरानीमा पुगेर मानसिक रोगको नाम पाएर र मानसिक रोगको उपचारका विधिहरू अनुसार डाक्टरका निदाउने औषधी खाँदै जिन्दगी गुजारा गर्दै थिए । यस्ता असाधारण अवस्था परिवारमा कोही व्यक्तीलाई आएको छ भने उनीहरूका पटकपटकका अनुभवहरू, अन्य परिवारका सदस्यहरुले समेत अलि कम मात्रामा त्यस्तै खालका स्पर्शहरूका अनुभवहरू पटकपटक गर्ने गरेका हुन्छन् । अस्वस्थ तेस्रो नेत्रको अवस्थाले मानिसले विभिन्न कष्टहरू पाउनु, मानसिक रोगको नाम र उपचार गरिएको अवस्थामा पुग्नु भनेको मानिसहरूलाई आजसम्म यस तेस्रो नेत्रका बारेमा थाहा नभएको भएर ती तेस्रो नेत्रका समाचारहरू छताछुल्ल भएर चारैतिर पोखिएर मानिसहरू मानसिक रोगका विरामीहरू जस्ता भएका रहेछन् । तेस्रो नेत्रको अर्थ र भावहरूलाई पूर्णहरूपमा बुझ्नका लागि तेस्रो नेत्र द्वारा प्राप्त गरिएका आफैले देखेको खबरहरू, तेस्रो नेत्रको क्षमता भएका परिवारका अन्य सदस्यहरूले देखेका खबरहरू, तेस्रो नेत्रको क्षमता भएका नजिकका साथीहरू, तेस्रो नेत्रको क्षमता भएका चिनजानका व्यक्तीहरूबाट आएको खबरहरू र अनुभवहरूका समाचारहरूलाई पनि सँगसँगै राखेर विश्लेषण गर्नु पर्दछ । त्यसरी विभिन्न स्रोतबाट प्राप्ट भएका सबै स्पर्शहरूलाई जोडेर यस विषयमा राम्रो धेरै जानेको, अनुभवि व्यक्ती द्वारा निकालिएको अर्थ तेस्रो नेत्रको सही भाव हुन सक्दछन् । यी अदृश्यहरुसँगको सम्पर्कको भुमरीमा प्रायः परिवारका सबै सदस्यहरु, नजिकका साथीहरू, नजिकका इ्ष्टमित्रहरू पनि प्रभावित भइरहेका हुन्छन् । परिवारका अन्य सदस्यहरु, नजिकका साथीहरूले, नजिकका इ्ष्टमित्रहरूले पनि त्यस विरामीले गर्ने गरेको तेस्रो नेत्रको असाधारण स्पर्शहरु केही न केही मात्रामा भने पनि अनुभवहरू गर्ने गरेका हुन्छन् । किनकि त्यस अदृश्य चिजहरु सँगको सम्पर्क हुनु भनेको यी नै परिवारका सदस्यहरूका कुराहरू र पारिवारिक लेनदेनका कुराहरु समावेश भएका हुन्छन् । यही सबैलाई जोडेर तर्क, विश्लेषण गरी अन्य लिँग शरीरसँगको सम्पर्क भइरहेको अवस्था थाहा पाउन सक्दछौँ । यसरी अर्थ र भाव निकाल्नु नै तेस्रो नेत्रको भाव निकाल्ने तरिका हो ।

आखाँ चिम्म गरेर आउने दृश्य र भावः  आखाँ चिम्म गरेर आउने दृश्य र त्यसको भाव तेस्रो नेत्रको क्षमता र अनुभवहरू तेस्रो नेत्रको सबै तरिका र क्षमताहरू मध्ये सबभन्दा विकसित अवस्था हो । पछिपछि बानी पर्दै गएपछि आखाँ चिम्म नगरेर पनि दृस्यहरू आउने, आवाजहरू सुन्ने, भावहरू आउने हुन्छन् । ती माथि उल्लेखित सबै तेस्रो नेत्रका स्पर्शका माध्यमहरु मध्ये सपना र त्यसको भाव पनि तेस्रो नेत्र अङ्ग हो र यो सबभन्दा सजिलो सम्पर्कको माध्यम हो ।

यसरी ज्ञानेन्द्रियहरूले गरेका असाधारण स्पर्शहरूलाई आजसम्मको अनुभव र ज्ञान अनुसार चिकित्साशास्त्रका डाक्टरहरूले सिधै मानसिक रोगको संज्ञा दिने र त्यसै अनुसारको औषधी उपचारहरु गर्ने चलनहरु छन् । तर यी माथी उल्लेखित लक्षणहरू के हो ?  कसरी आयो ? र यसको समाधानका बारेमा यस किताबका लेखक डाक्टरहरूका अलि अर्कै तर्कहरू छन् । मानिसहरूले यस्ता असाधारण अनुभव गर्दै गर्दा उनीहरू अवश्य अस्वस्थ नै देखिन्छन् तर ती असाधारण स्पर्शहरू कुनै शारीरिक रोगको कारणले आएको नभएर ती स्पर्शहरूको अर्थ र भाव नबुझेर भएको रहेछ । त्यो असाधारण स्पर्शहरू त एक सम्पर्कहरु, खबरहरु र समाचारहरु पो हो रहेछ । अवश्य पनि सबै विरामीका लक्षणहरू एउटै कारणका नहोलान् । ती असाधारण जस्ता लक्षणहरू मानिसको ज्ञानेन्द्रियका अङ्गहरूका शारिरिक रोगका कारण आएका हुन सक्दछन् । तर कतिपय बिरामीहरू जस्ले अस्वस्थ तेस्रो नेत्रका स्पर्शका असाधारण अनुभवहरू गर्ने गरेका थिए, तिनीहरू डाक्टर कहाँ पुगेर गुहार माग्न जाँदा तिनीहरूले मानसिक रोगीको सँज्ञा पाएका थिए र डाक्टरका सुझाव अनुसार निदाउने औषधीहरु जीवनभर सेवन गर्न भनेर सेवन गर्दै थिए, त्यस्ता अवस्थामा पुगेर मानसिक रोगीको सँज्ञा पाएका कतिपय बिरामीहरूको यस किताबको लेखकहरूका परामर्श पाएर ती विरामीहरूका लक्षणहरूको सही नामाकरण (Diagnosis) र सही उपचार पछि आजकाल स्वस्थ भएका छन् र निदाउने औषधी खान छाडेका छन् । उदाहरणहरू यस किताबको प्रत्यक्ष भिडियो तथा सदस्यहरुको अनुभव भागमा समावेश गरिएको छ ।

ज्ञानेन्द्रियहरुले असाधारण स्पर्शहरु गर्न थाल्नुको दुइटा कारणहरु हुन सक्दछन् 

१. स्थुल शरीरको कारण :- स्थुल शरीरको ज्ञानेन्द्रिय ग्रन्थिहरुमा आएको शारीरिक गडबढी, कमजोरी, रोग इत्यादीको कारण ग्रन्थिहरुले असाधारण स्पर्शहरु गर्न सक्दछन् । जस्तै आँखाको कुनै रोग लागेको मान्छेले कुनै कुरा स्पष्ठ नदेख्न पनि सक्दछ र कुनै चिजलाई नचिनेर गलत नाम विवरण भन्न सक्दछ । कान राम्रो नसुन्ने मान्छेले आवाज नछुट्याएर अर्कै आवाज सुनेको भन्न सक्दछ । त्यसैगरि नाक तथा छालाहरूमा पनि विरामी अवस्थामा गलत स्पर्शका आभासहरू हुन सक्दछन् । स्थुल शरीरका अङ्गहरू सहि अवस्थामा छन् कि छैनन् र यी लक्षणहरू स्थुल शरीरको अस्वस्थ अवस्थाको कारणहरुबाट आएका हुन् कि ? भनेर आफ्ना विषयका विशेषज्ञ डाक्टरहरु द्वारा जाँच गरी त्यसको आवश्यक जाँच र उपलब्ध भए अनुसारको उपचारको व्यवस्था गर्ने हो ।

२. लिँग शरीरको कारण :- अगाडिका पाठहरूमा वर्णन गरिइसकेको छ मानिसको शरीरको संचालन लिँग शरीरले गर्ने रहेछ ।  लिँग शरीरले मानिसको शरीरको संचालन गर्छ भनेको मानिसको सबै अङ्गहरू, ज्ञानेन्द्रियका अङ्गहरूको पनि सँचालन लिङ्ग शरीरले नै गर्दछन् । मानिसको शरीरको सँचालनमा आफ्नो लिँग शरीर र अरू लिँग शरीरहरू जस्तै पितृ, बोक्सी, भुत, प्रेतहरूको सहभागिता हुन सक्दछन् भनेर पनि अगाडिका पाठहरूमा वर्णन गरिएको छ । मानिसको ज्ञानेन्द्रियका अङ्गहरूमा असाधारण स्पर्शहरू आउनुमा आफ्नो लिँग शरीरमा नै कुनै कमजोरी खरावी आएको अवस्थामा वा अरू अस्वस्थ लिङ्ग शरीरहरूबाट आएका स्पर्शहरू पनि असाधारण स्पर्शहरू हुन सक्दछन् । अन्य विभिन्न लिँग शरीरहरूले पनि मानिसहरूसँग सम्पर्क सम्बन्ध राख्न चाहने रहेछन् र यी नै सम्पर्क र सम्बन्धका कारण त्यस्ता असाधारण स्पर्शहरू भएका रहेछन् । अरू अस्वस्थ अवस्थामा रहेका लिङ्ग शरीरहरूले सम्पर्क गर्दा मानिसमा असाधारण स्पर्शका अनुभवहरू भएका प्रमाणहरू छन् ।

आफ्ना मरेका पितृहरूको सम्झनाहरू बढी गर्नेहरूलाई ती पितृहरूसँग सम्पर्क र सम्बन्धहरू हुन सक्दछन् । जानेर नजानेर भुत, प्रेत, बोक्सीहरूको चर्चा र खोजी गर्नेहरूलाई तिनीहरू सँग सम्पर्क र सम्बन्धहरू हुन सक्दछन् । जाने वा नजानेर विभिन्न देवी देवताहरूको चर्चा, पूजा, आराधना, ब्रत, ध्यान, जप आदी गर्नेहरूलाई पनि ती अन्जानमा रहेका देवी देवताहरूसँग सम्पर्क र सम्बन्ध हुन सक्दछन् । यस्तै सम्पर्क र सम्बन्धका कारणहरू नै असाधारण स्पर्श वा तेस्रो नेत्रका कारणहरू हुन् ।

हरेक मानिसको स्थुल शरिरलाई भित्र आफ्नो लिँग शरीरले सँचालन गर्दोरहेछ । यदि मानिसको आफ्नो लिँग शरीरको मानसिकता कमजोर छ, निडर छैन, साधारण कुराहरुमा डराउँछ, शरीर पनि कमजोर छ, एक्लो छ, बुढाबुढी छ भने अन्य लिँग शरीरहरुले हेपेर स्पर्श गर्न आई विभिन्न सम्पर्क र भोग गर्न खोज्दछन् । निर्दा र कमजोरहरुलाई चोरहरुले धम्काएर ठगेर लुटेर लाने भनेको जस्तै हो ।

मानिसमा अन्य लिँग शरीरले सम्पर्क राख्न खोज्नुको कारणहरु –
क. सब भन्दा प्रमुख कारण त त्यस मानिसले कुनै दिन कुनै लिँग शरीरहरुको कुराहरू, चर्चाहरू गरेको थियो । मानिसहरू जस्ले यस सृष्टिमा अन्य लिङ्ग शरीरहरू छन्, देवीदेवताहरू छन्, पितृहरू छन्, भुत, प्रेत र बोक्सीहरू छन् भनेर अलि अलि थाहा छ वा त्यस बारेमा अल्पज्ञान छन् भने त्यस्ता कहाँ मात्रै अन्य लिँग शरीरहरुले आँखा लगाउँछन् । किनकि ती चचाँ गर्नेहरुले मात्रै ती लिँग शरीरलाई केही मात्रामा भने पनि चिन्दछन् । ती लिँग शरीरले चेतना, भावना, सम्बन्धका आधारमा सम्पर्क गर्दा रहेछन् । ती लिँग शरीरलाई नचिन्ने कहाँ आउन मन हुँदैन । अरु नचिन्ने कहाँ जाँदा ती अन्य लिँग शरीरहरुले छुन सक्ने प्वाल पनि हुँदैन । ती लिङ्ग शरीरहरूले अरू शरिरलाई छुन, सम्पर्क गर्न केहि सम्बन्धहरू,  चिने जानेको हुनु पर्दछ, केहि न केहि कुरामा सम्बन्धित हुनु पर्दछ । त्यसैले गाउँघरमा विभिन्न रुढिवादी रुपमा भने पनि झारफुक गर्ने, त्यस्ता उपचार गराउने र उपचार गरिदिने दुबैलाई पटकपटक विभिन्न लिँग शरीरहरुले सम्पर्क गर्ने गरिराखेको हुन्छन् र दुःखकष्ट पुर्याइरहेका हुन्छन् । किन कि ती लिँग शरीरका ती दुबै थरिका मानिसले चर्चा गरिरहेका छन् । बिरामीले भुत प्रेत बोक्सी लाग्यो भन्दै ऐया र आत्थु भनिरहेको छ अर्को धामी झाक्रीले त्यसलाई धपाउन कोसिस गरिरहेको छ । त्यो दुःख दिन आउने लिँग शरीरको ती दुबै जना कहाँ भन्दा अन्त जाने कतै ठाउँ छैन किनकि अरुले तिनीहरुलाई विश्वास गर्दैनन् र चिन्दैनन् । त्यसैले झाँक्रीले जत्ति कुचोले हाने पनि केहि दिन पछि समस्या जस्ताको त्यस्तै रहन्छ । दु:ख दिन आउने धामी झाक्रीका डरले एकै छिन यताउता गएर लुकेका हुन्छन् होला । केही दिनपछि फेरी त्यही समस्या आइरहेको हुन्छ । अझ नियालेर हेर्ने हो भने त्यस्ता झारफुक गरेर रोजगार चलाउनेहरुको घरका अन्य सदस्यहरुलाई पनि यस्ता सम्पर्कहरु भइराखेको हुनसक्दछ र कष्ट भइरहेको हुनसक्दछ । किनकि ती लिँग शरीरहरु उपचारपछि तिनै झारफुक गर्नेको पछि लाग्दै तिनको घरसम्म पुगेका हुनसक्दछन् । किनकि ती लिँग शरीरहरु कसैलाई दुःख दिन भनेर आएका होइनन् । ती लिँग शरीरहरु साक्षातकार हुन चाहन्छन् मानिसहरू सँग, उनिहरूलाई मानिसले देखिदिउन भन्ने चाहन्छन् । तिनीहरु आफ्नो लागि गुहार माग्न आएका हुन् । ती लिङ्ग शरीरहरूलाई कसैले देख्दैनथे र ती लिङ्ग शरीरहरू एकान्तले डराएर आतिएका हुन्थे भने अब ती लिङ्ग शरीरलाई त्यहि विरामीले र त्यहि गाली गर्दै उपचार गरिदिने धामी झाक्रीले चिनेका रहेछन् भनेर ठान्दछन् । त्यस दु:ख दिनआएको लिङ्ग शरीर, भुत प्रेत, बोक्सी, पितृ जो आएको भए पनि धामी झाक्रीले गाली गर्दा ए एस्ले त हामीलाई देख्दो रहेछ भनेर थाहा पाउछन् र त्यहि गाली गरिदिने धामी झाक्रीलाई याद गरिरहेका, चिनिरहेका हुन्छन्, । मानिसले पनि जीवनमा कित मित्रहरूका याद गरेका हुन्छन् कित शत्रुहरूका याद गरेका हुन्छन् । अरू मानिसहरू पनि त्यस्तै त गर्छन् नि त बोलाउदा जस्ले तिनीहरूको आवाज सुनेको जस्तो लाग्छ तिनीलाई नै बढी बोलाएर गुहार्ने हो, नसुन्ने वा नदेख्नेसँग गुहार माग्न मिल्दैन,  चिनेको मान्छे कहाँ जाने हो नचिने कहाँ कोहि जान मान्दैनन् ।
ख. अन्य लिँग शरीरले आफ्ना स्थुल शरीरलाई छुन सक्दछ र स्पर्श हुन सक्दछ ।
ग. अन्य लिँग शरीरले टाढैबाट जिस्क्याउने, आवाज दिने, आफ्नो परिचय जानकारी दिन चाहने, लिँग शरीरहरुको भाषामा सिठी हालेर हुटिङ्ग गरे जस्तो गर्न सक्दछ ।
घ. अन्य लिँग शरीरले आफ्नो स्थुल शरीरमा प्रवेश गरी भोग र शोषण गर्न सक्दछ ।
ङ. अन्य लिँग शरीरले आफ्नो लिँग शरीरलाई सम्पर्क गरी सम्बन्ध राख्न सक्दछ ।
च. अन्य लिँग शरीरले आफ्नो लिँग शरीर मार्फत समाचार पुर्याउन सक्दछ ।

अन्य तथा दुष्ट लिँग शरीरहरुले सम्पर्क गर्न सकेको सुरुका अवस्थामा तिनीहरुले लुकेर शोषण र भोग गरिरहेका हुन्छन् । तिनीहरुले लुकेर शोषण गर्ने समयमा मानिसको शरीरमा अन्य शारीरिक कमजोरीहरु आइसकेका हुन सक्दछन् तर डराउने, तर्सने लक्षणहरु नहुन पनि सक्दछ । तर जव मानिसमा भएका कष्टहरुबाट बच्न बचावटका कार्यहरु गर्न थालेपछि बल्ल ती दुःख दिने गरेका लिँग शरीरहरुले छोड्न नमानेर अनेक दुःखहरू दिन्छन् । मानिसले तेस्रो नेत्रका माध्यमद्वारा ती अदृश्यहरुको स्पर्शको अनुभव गर्न थालेको अवस्था त अझ मानिसमा बचावटका विधिहरु सुरु हुन जाँदा रिसाएर छोड्न नमानेकाहरुको प्रहारहरु हो । नत्र लुकेर खाएको अवस्था त धेरै समयसम्म थाहा नहुन पनि सक्दछ । अन्य लिङ्ग शरीरहरूले सम्पर्क गरेर आफु अस्वस्थ भएको थाहा पाएर हार गुहार गर्न खोज्दा ती शोषण गर्न बाहिर बाट आएका लिङ्ग शरीरहरूले छोडेर जान नमान्दाको अवस्थामा तर्सने, निन्द्रामा झस्कने कराउने र काम्ने अचेत अवस्थामा आएर बोल्ने, बर्बराउने जस्ता लक्षणहरू देखा पर्दछन् भने कहिले कहिले आफुले कुनै बचावटका उपायहरू नगर्दा पनि आफै ती तर्सने, निन्द्रामा झस्कने कराउने र काम्ने अचेत अवस्थामा आएर बोल्ने, बर्बराउने जस्ता लक्षणहरू देखा पर्दछन् । यसरी अचानक आफै बचावटका काम सुरु हुनुको कारण त्यहाँ लिँग शरीरको संसारमा पनि हामीलाई मद्दत गर्न मन पराउने होस खुलेका लिँग शरीरहरु हुन्छन् र तिनीहरुले मद्दत गर्दछन् । कुनै दिन हामीले राम्रो पुण्यका कामहरु गरेका रहेछौँ भने त्यही हिसाबका कारण तिनीहरुले बचावट गरिदिने वा बचावटका उपायहरुमा पुर्याइदिने गर्दछन् ।
पुण्य काम भनेको दान दिने होइन । अरु कसैलाई आपद परेको स्थितीमा वा आपद पर्न सक्ने स्थितिमा आफै गएर आफ्नो भागबाट बाँडेर सहयोग पुर्याउनेलाई पुण्य काम भन्दछन् । यस्तो कामको त्यहाँ लिँग शरीरहरुको संसारमा विशेष हिसाब किताब राखिदो रहेछ । यहाँ दिएको त्यहाँ आफ्ना पितृले पाउँछन वा आफुले मरेपछि पाउँला भनेर गरिएको दानहरु पुण्य काम होइन रहेछ । त्यस अदृस्य संन्सारमा थुप्रै लिङ्ग शरीरहरू हुन्छन् । तिनीहरू विभिन्न चेतनाका अवस्थामा भएकाहरू, कोही ज्ञानी भएर अरूलाई सहयोग शिक्षा दिदै बसेका भने कोही अज्ञानी भएर अरूलाई दु:ख कष्ट पुरूयाउदै बसेकाहरू छन् ।
यस्ता असाधारण स्पर्श, दृश्य, आवाज, बोली, गन्ध, सपनाहरु धेरै मानिसहरुमा भइरहेको हुन सक्दछ । कहिले कहीँ त्यस्ता असाधारण स्पर्शले कुनै नराम्रो असर पुर्याएको हुँदैन भने कहिले त्यस्तै स्पर्शहरुले घेरिएको जस्तो अनुभव हुन सक्दछ विभिन्न दुःख, कष्ट, रोगका लक्षणहरु देखिएका हुनसक्दछन् ।

मानिसहरूमा असाधारण स्पर्शका शारीरिक तथा अन्य कारणहरु :-

हरेक जनावर र चरा चुरुङ्गीहरुको आफ्नो आफ्नो कामको अनुसार ज्ञानेन्द्रियका अङ्गहरु र क्षमताहरु बनेका हुन्छन् । कसैको जिब्रोले बढी काम गर्ने क्षमता हुन्छ । जस्तै कि सर्पले जिब्रोबाट धेरै कुरा थाहा पाउँछ । मुसा बिरालोले कानबाट धेरै कुरा थाहा पाउँछन् । कुकुरले नाकबाट धेरै कुरा थाहा पाउँछ । मानिसको जिब्रो, छाला, नाक त्यतिक विकसित हुँदैन । तर मानिसमा बोल्ने क्षमता, भाषा बोल्ने क्षमता, सुन्ने क्षमता, देख्ने र अर्थ लगाउने क्षमता बढी हुन्छ । मानिससँग सम्पर्क गर्न चाहने अन्य लिँग शरीरहरु पनि यिनै अङ्गहरुका चेतना भएकाहरु हुन् । यिनै अङ्गहरु मार्फत हामीसँग सम्पर्क गर्न खोजेका या गरिरहेका हुन्छन् । सपना सब भन्दा उपयुक्त माध्यम हो । त्यसैद्धारा हामीसँग सम्पर्क गरिरहेका हुन्छन् । त्यसैले सपना तेस्रो नेत्रको ग्रन्थि हो र तेस्रो नेत्रको प्रमुख अङ्ग हो ।
मानिसले विभिन्न समयमा एउटै सपना देख्दै आइरहेको हुन सक्दछन् । तर त्यस व्यक्तिले त्यस सपनाको कुनै अर्थ लगाउने गरेको छैन भने ती अन्य लिँग शरीरहरु जस्ले त्यस व्यक्तिसँग सम्पर्क गर्न खोजेका थिए, उनीहरु सम्पर्कका अन्य उपाय अपनाउन थाल्दछन्, सपनामा नै तर्सने, झस्कने, चिच्चाउने हुन्छन् । यदि त्यस्तो गर्दा पनि त्यस व्यक्तिले बुझ्न सकेन र अर्थलगाउन सकेन भने कानमा आएर बोल्ने, दिउसो आँखा अगाडि चित्रहरु आउने, दिउसो निन्द्रा जस्तो तन्द्रा आउने, चित्रहरु आउने हुन्छ । यदि उसलाई सपनाको सही अर्थ लगाउन सक्ने कुनै व्यक्तिले उसले देख्ने गरेको सपनाको अर्थ लगाइदिन थाल्यो भने र ती अर्थ त्यो सपना देख्ने व्यक्तिले बुझेर आफ्नो व्यवहारमा ल्याउन थाल्यो भने, त्यस्ता अस्वस्थ सपनाहरु बन्द हुन्छन अन्य स्पर्शहरु बन्द हुन्छन् । अथवा एकदम कम भएर जान्छन् । कहिले कहीँ यसरी सपनामा झस्कने, चिच्चाउनेहरु डाक्टर कहाँ र हस्पिटलमा धाइरहेका हुन्छन्, आफु र आफ्ना परिवारका लागि तनाव र दुःख पुर्याई रहेका हुन्छन् । यो कस्तो भएको भनेर एक उदाहरण दिन चाहन्छु । कुनै एक जना विद्यार्थीलाई उसको शिक्षकले कुनै घरमा गर्ने काम दिएको छ । त्यस विद्यार्थीले त्यस काम गरेर ल्याउँदैन । शिक्षक रिसाउँछ । भोलि पल्टको लागि पुनः त्यही काम गर्न दिन्छ । भोलि पल्ट पनि विद्यार्थीले बुझ्दैन र काम नगरिकन आउँछ । शिक्षक पुनः रिसाउँछ र विद्यार्थीलाई केही सँजाए दिन्छ । विद्यार्थीले अझै बुझ्दैन । शिक्षक रिसाएर कक्षामा केही बेर हल्लाखल्ला हुन्छ । अन्य विद्यार्थीको पढाईमा वाधा पर्न थालि सक्यो । शिक्षकले हेडमास्टरलाई भन्छ । हेडमास्टरले आफै आउँछ वा आफु कहाँ बोलाउँछ, विद्यार्थीलाई थर्काउछ । स्कुल वा कलेज भरि यसै विद्यार्थीका विषयमा चर्चा हुन थाल्दछन् । हेडमास्टरले विद्यार्थीको आमाबुवालाई बोलाउँछ । त्यस्तै हो भने विद्यार्थीलाई निकाल्न पनि सकिन्छ भनेर विद्यार्थीको आमाबुवालाई धम्कि दिन्छ । सके विद्यार्थीका आमाबावुले विद्यार्थीलाई एकदुई थप्पड लगाउन पनि भ्याउँछन् । यसैगर्दै तनावका केही दिन बितेपछि धेरै जना प्रभावित भइरहेको बेलामा यदि कुनै जानेको मान्छेले त्यस विद्यार्थीले नबुझेको कुरा बुझाइ दिएमा त्यस विद्यार्थी एकै दिनमा त्यो शिक्षकले दिएको घरमा गर्ने काम पुरागरि सबै समस्याको समाधान गरिदिन्छ । यस्ता खालका समस्याहरु जीवनमा घटिरहेका हुन्छन् भने त्यस अन्य लिँग शरीरको भन्न खोजेको सम्पर्कका कुराहरु नबुझ्दा यस्तै खालका घटना भइरहेको हुन्छन् । ती लिङ्ग शरीरहरूले आफुले भन्न खोजेका कुराहरू भन्न नपाउन्जे पटक पटक भन्न खोज्ने र विभिन्न प्रयासहरू गर्ने उत्तेजित हुने, रिसाउने, झगडा, पिट्न खोज्ने, पिट्ने गर्ने गर्न सक्दछन् ।
यसरी पटक पटक कुरा भन्न आउनेहरु अरु कोही होइनन् । आफ्ना पुरा होस नखुलेका पितृहरु र आफुले तिनीहरु प्रति मनको ढोका खुला राखेको कारण हो । त्यसरी खुला राखेको खुला ढोकाबाट आफ्ना पितृमात्रै नपसेर त्यस भेगका सबै राम्रा विचार र स्वभावकाहरु, नराम्रा विचार र स्वभावका लिङ्ग शरीरहरू आएका हुन्छन् । ती सबै अरू लिङ्ग शरीरहरू रमिता हेरौँ भनेर आएका भए पनि खुल्ला कुर्ची र सोफा, खुल्ला खानेकुरा राखेका भए हेरेर मात्र बस्न मन कस्लाई पो होला र त्यसैले ती रमिता हेर्न आउने लिङ्ग शरीरहरूले पनि पनि मौकाको फाइदा उठाएर त्यहाँ भएका खाली  कुर्ची र सोफामा बस्ने मन र त्यहाँ भएका खानेकुराहरू चाख्ने खाने मन लाग्न सक्दछ । त्यसैले हरेक पटक पितृहरू आउँदा अन्य टाढाका पितृहरू तथा अन्य लिङ्ग शरीरहरू पनि आएका हुन सक्दछन् वा आउने सम्भावनाहरू हुन्छन् । पितृहरुले त्यसरी सम्पर्क गर्न खोज्नुको उद्देश्य कसैलाई दुःख दिनलाई होइन । त्यहाँ उसले पाएको अन्धकार, अन्योलताबाट बच्न सहारा र सहायताको गुहार माग्न आफ्नो सबभन्दा नजीकको सम्बन्ध भएको, उसको विचारमा अलि भरपर्दो छोरा वा छोरी, साथीहरू वा इष्टमित्रहरू कहाँ आएका हुन् । ती पितृहरूका मृत्यु भइसक्दा पनि पूर्णहरूमा मृत्यु नभएकाले आफ्ना परिवार आफन्तहरूसँग साक्षातकार वा देखिन आएका, आफ्ना दु:खका बारेमा गुहार माग्न आएका, परिवारका सदस्यहरूलाई सिकाउन आएका हुन्छन् । भर्खरै मरेकाहरूले औषधी खाने वेला भयो भनेर भन्छन्, खानाखाने वेलामा खानाखान भान्छामा आएका हुन्छन्, मरेर अलि धेरै समय भएकाहरूले व्यवहारिक कुराहरू, छोरा नाती नातिनीका विहे, पारिवारिक भेटघाट, लेनदेन, अँशबण्डा, कारोवारका कुराहरू सिकाउन आएका हुन्छन् । हिन्दु संस्कृति र संस्कारमा छोराहरुलाई मात्र पितृकार्यमा भागबण्डा र जिम्मेवारी दिइएको छ । तर वास्तवमा ती पितृहरूका विपद र तिनीहरूले गुहार माग्ने वेलामा सम्पत्तीका भागबण्डा र  पितृकार्यका जिम्मेवारी पाएका आफ्ना छोरा र छोरी भनेर छुट्याएका हुँदेनन् र सबै चिनेका, नाता पर्ने, अलि अलि नाता पर्ने, नाता नपर्ने, टाढाका, नजिकका, नयाँ मान्छे, पुराना मान्छे सबै सँग सम्भव भए सम्म सबै सँग गुहार माग्छन् । यहाँ जीवित हुँदा आफुले केही नदिएकाहरु भएपनि त्यस विपद कालमा जसले अलिकति सुनिदेला जस्तो छ त्यस कहाँ नै आएका हुन् । आफ्नो परिवारका कुनै सदस्यहरू, नाताकाहरू, नजिककाहरू वा केहि सम्बन्ध भएकाहरूमा जानेर वा नजानेर तेस्रो नेत्रको क्षमताहरू रहेछन् , तिनीहरूले केहि तेस्रो नेत्रको स्पर्शहरू गर्न सक्दछन्, सपनाहरू देखेर केहि अर्थ लगाउन खोज्दछन् भने ती पितृहरू तिनीहरू मार्फत सम्पर्कमा आउन खोजेका हुन्छन् । त्यसैले अस्वस्थ तेस्रो नेत्र खुलेकाहरूले सपनामा अरूहरूका बारेमा देख्ने, पितृहरूलाई देख्ने,  मृत्युका समाचारहरू, कुनै घटनाका समाचारहरू सपनामा देख्ने, कानमा अरूले भनेको सुन्ने गर्दछन् । जति जति उनीहरूमा यस्ता खबरहरू आएको र उनीहरूमा आएको खबरहरू मिलेको अनुभवहरू गर्दछन् त्यति त्यति त्यस्ता खबरहरू झन् आउँन थाल्दछन् मानौ कि उ कुनै अदृस्य संसारको हुलाकी हो । ती पितृहरु, भुत, प्रेतहरूको चेतना अपूर्ण भएकाले, आफुहरू भ्रममा र बेहोसी अवस्थामा हुने भएकाले तिनीहरूले बेहोसीमा गुहार माग्न नजान्ने जस्तो भएको भएर ती लिङ्ग शरीरहरूका खबरहरू आउँदा, उनीहरूले  गुहारहरू माग्दा घरमा, परिवारमा हल्लाखल्ला, रुवावासी र कोलाहल जस्तो भएको हो रहेछ । ती पितृहरू, भुत, प्रेत, बोक्सीहरूका सम्पर्कमा आएका अवस्थाहरू साह्रै कष्टकर र अकाल मृत्युको सम्भावनाले घेरिएको हुन्छन् । जस्तै खोलामा डुव्दै गरेकाले अचानक कसैलाई समात्न भ्यायो भने बेसरी जवरजस्ती समात्दा त्यस समातिने व्यक्ति वा सहयोग पुर्याउन खोज्ने व्यक्तिनै डुव्न सक्दछ त्यस्तै भएको हो । त्यस्तै भइरहेको हुँदोरहेछ धेरैजसो सम्पर्कका अवस्थाहरुमा । त्यो गुहार माग्न आउने पितृ अन्योलमा परेर बच्चा जस्तो भएको हुन्छ । यस्तो अवस्थाका अनुभवहरु गरिरहेका  पितृहरू, भुत, प्रेत, बोक्सीहरूलाई नर्कका भवसागरमा परेका भनेर वेदशास्त्रहरूमा लेखिएका छन् । ती नर्कमा भएर नर्कको अनुभवहरू गरिरहेकाहरू पितृहरू, भुत, प्रेत, बोक्सीहरूले सँग जीवित मानिसहरूको सम्पर्क भएको अवस्थामा जीवित मानिसहरूमा पनि ती पितृहरू, भुत, प्रेत, बोक्सीहरूले गरिरहेका नर्कका अनुभवहरू हुन सक्दछन् ।

ग्रन्थिहरुको तेस्रो नेत्रको क्षमताका अवश्था :-
शरीरका विभिन्न ग्रन्थिहरु हरेक जनावर आफ्नो प्रकृति र बाच्ने तरिका अनुसारको बनेको हुन्छ । सृष्टिमा जीवहरुको उत्पत्ति र विकासको क्रममा जीवहरूमा अनुभवहरू र परस्थिति अनुसार आवस्यकता अनुसार अङ्गहरूका विकास भएका छन् । तर प्राय: सबै जीवहरूमा पाइने ज्ञानेन्द्रिय र कर्मेन्द्रियका अङ्गहरू समान खालका छन् र तिनीहरूका काम गराइ तरिकाहरू केहि केहि समान छन् भने केहि केहि भिन्न छन् । तर प्राय: ती सबै ग्रन्थिहरुमा आफ्नो जातलाई चाहिने भन्दा अन्य जनावरका क्षमताका गुणहरु निष्कृय रुपमा रहेका हुन्छन् । जस्तै मान्छेको सुन्ने क्षमता र चरा चुरुङ्गी वा अन्य जनावरको सुन्ने क्षमता फरक हुन्छ । त्यस्तै मान्छेको देख्ने क्षमता अन्य चराचुरुङ्गी वा जनावरको भन्दा फरक हुन्छ । सृष्टिमा जीवहरुको विकास हुँदै जाँदा नयाँ जातका जीवहरुको विकास हुँदा जीवमा नयाँ क्षमताहरु आएपनि ती पुराना क्षमताहरु शरीरका अङ्गहरुमा निस्कृय भएर लुकेर रहेका हुन्छन् । जस्तै मानिसको शरीरमा कतिपय अङ्गहरु मानिसले प्रयोगमा ल्याउदैन । त्यस्ता अङ्गहरुलाई विज्ञानमा अल्पविकसित अङ्ग (Rudimentary ) भन्ने चलन छ । भने त्यस्तैगरी मानिसको भइरहेको ज्ञानेन्द्रियका अङ्गहरुको कार्य क्षमतामा पनि केही अल्पविकसित (निष्कृय) क्षमताहरु रहेका हुनसक्दछन् । यी क्षमताहरू अविकशित भएर बस्नुको मतलब हो मानव जीवनलाई यी अरु जीवहरूका क्षमताहरू आवस्यक छैनन् र झन् मानव जीवनको सुखका लागी कतिपय क्षमताहरू निष्कृय अविकशित हुनु पर्दछ होला या मानिसले साधारण जीवनमा ती विषयहरूलाई ध्यान नदिने भएकाले निष्कृय भएर मानिसलाई चाहिने जति मात्र क्षमता सकृय भएका हुँदा रहेछन् । यसरी मानव जीवनलाइ नचाहिने क्षमताहरू पर्दा जस्तो भएर छेकिएको मात्र रहेछ । कुनै कारणले ती पर्दाका क्षमता तोडिएको वेलामा अनि अन्य जीवका क्षमताका अनुभवहरू आउने हुन् । त्यसैले विभिन्न परिस्थितिमा ती निष्कृय रहेका क्षमताहरु सकृय हुन जाँदा त्यस जीवको आफ्नो क्षमता भन्दा बढी या आफ्नो क्षमता भन्दा कम स्पर्श गर्न सक्दछ र मानिसले साधारण अवस्थामा भन्दा बढी सुन्ने वा देख्ने क्षमता आएर असाधारण स्पर्शका अनुभवहरू भएको हुन सक्दछ । कहिले कहिले मानिसहरूमा परिस्थिती अनुसार क्षमताहरू परिवर्तन भएका थिए । मानिसहरूले आफ्नो अभ्यास द्वारा पनि असाधारण स्पर्शका क्षमताहरू विकशित गर्न सक्दछन् । जस्तै शहरमा बस्ने र बिकट गाउँमा बसोबास गर्ने मानिसहरूका क्षमताहरू फरक फरक हुन्छन् । शहरमा बस्नेहरू बिजुली बत्तिको वरपर बस्ने चलन हुन्छ, उज्याला ठाउँहरूमा मात्र हिडडुल गर्न सक्दछन् भने बिकट गाउँमा बस्ने मानिस अँध्यारोमा बस्न सक्ने अँध्यारोमा हिडडुल गर्न सक्दछन् । जङ्गलमा शिकार खेल्ने गरेकाहरूमा देख्ने, सुघ्ने क्षमता अरूमानिसमा भन्दा बढि हुन्छ । पानीमा, नदिनालामा पौडि खेल्नु पर्ने, माछा मार्ने काम गर्नेहरू अरू मानिसहरूभन्दा बढि समय पानी मुनि डुब्न सक्दछन् । किनभने त्यस असाभारण स्पर्श गर्न सक्ने अङ्ग हरेक मानिसको शरीरमा रहेको हुन्छ तर त्यो क्षमता निष्कृय वा लुकेर रहेको हुन्छ ।
स्पर्शहरु तेस्रो नेत्रसँग सम्बन्धित छन् कि छैनन् भनेर दाज्न त्यस स्पर्शका साथमा आएको भाव र त्यस स्पर्शका बेलामा भएका अन्य कार्यहरुसँग भर पर्दछ । कुनै लिँग शरीरहरुको याद गरिरहेको बेलामा वा कुनै डराएको घटनाको याद गरिरहेको बेलामा, मरेको मान्छेहरुको चर्चा, पितृहरुको चर्चा, त्यस्तै बारेमा पढेको बेलामा यस्ता असाभारण स्पर्शहरु आउँछन् ।

ग्रन्थिहरुमा असाधारण  स्पर्शहरू:-

आँखाका असाधारण  स्पर्शहरू:- 

१. कहिले कहिले आँखाको छेउ तिर केही चित्र देखे जस्तो लाग्ने, तर फर्केर हेर्दा नदेखिने घटना धेरै मान्छेमा घटेको हुन सक्दछ । अस्वस्थ तेस्रो नेत्रको अनुभवका सुरुको अवस्थाहरूमा यस्ता खालका स्पर्श र भावहरु हुन्छन् ।
२. अस्वस्थ नेत्रको पछिको अवस्थामा आँखामा अगाडि नभएका चिजहरूको चित्रहरु आउने र भावहरु आउने हुन्छन् ।
३. चित्रहरु आँखा अगाडि आउने तर घटनाहरु अन्तै घटिरहेको भनेर भाव आउँछन् ।
४. मानिस होसमा हुँदा पनि झ्याप्प झ्याप्प गरेर एक सेकेन्डको निन्द्रा अनि निन्द्रामा तन्द्रा जस्तो गरेर सपनाहरु आउँछ । (ननिदाउदै अलि अलि होस हुँदैमा छोटो सपना देखिनेलाई तन्द्रा भनिन्छ )

५. कहिले निद्रामा र  कहिले होसमा नै भए जस्तो गरेर तन्द्रा आएर धेरै बेरसम्म सपना देखिरहन सक्दछ ।
६. अचानक आँखाबाट आँसु बग्न थाल्ने । यो पितृहरुको चर्चा वा अन्य कष्टहरुको चर्चा गरेको बेलामा हुन्छ । आफ्नो पितृ सँझदा रुने र यो आँसु बग्ने फरक हुन्छ । यहाँ आँखामा आँसु आउँदा रुने भाव कुनै आएको हुँदैन ।
७. आँखा बन्द गर्दा आफु पुरा होसमा हुँदा आँखा अगाडि चित्र आउने या फिल्मको जस्तो गरेर आँखा अगाडि घटनाहरु घट्ने हुन्छ । ती घटनाहरुमा आफु पनि समावेश भइएको हुन सक्दछ । यसरी आफुले आफैलाई देख्दा आफुले देखेको ठाउँको याद आएको हो कि भन्ने लाथ्न सक्दछ । तर आफ्ना यादहरूमा आफुले आफैलाई अरु मानिसहरुले हेरेको जस्तो गरेर देखिदैन । असाधारण स्पर्शमा आफुलाई कसैले हेरे जस्तो गरेरआफ्नो चित्र आएको हुन्छ । यहि हो तेस्रो नेत्र हो कि होइन भनेर छुट्याउने प्रमुख तरिका ।

यस्तै घटनाहरु हामीले कुनै चिजको कल्पना गर्दा पनि हुन्छ । तर कल्पना गरेको बेलामा आँखा अगाडि आएका चित्र, फिल्ममा आफैलाई नदेख्न सक्छ, या आफुलाई देखे पनि वर्तमान समयको उमेर, पहिरनहरु आउँछन्, चित्रहरु हामीले सोचिरहेको हुन्छौँ, पात्रहरु हामीले सोचेकाहरु हुन्छन् । तर तेस्रो नेत्रका आखा अगाडि आएको दृश्यमा घटनाहरु आफै घटिरहेको हुन्छ, घटनाको समय दसौँ, बिसौँ बर्ष अगाडिको हुन सक्दछ, पात्रहरु आफै आइरहेका हुन्छन्, घटनाहरु आफुले कल्पना पनि गर्न नसकिनेहरु हुन्छन्, बिचमा आँखा खोलेर फिल्म नहेर्न मिल्दैन । मानौँ कि कसैले बाँधेर जवरजस्ति हेराइरहेको छ जस्तो हुन्छ । सुरू सुरूमा यस्ता चित्रहरू आँखा बन्द भएको वेलामा मात्र आएका भए पनि पछि पछि यस्ता चित्रहरू आँखा बन्छ नगरिकनै आउँछन् र  ती चित्र र चलचित्रहरूमा भावहरू जोडिएर आएका हुन्छन्, चित्रहरू सन्देश, शिक्षा मुलक हुन्छन् ।

नाकका असाधारण  स्पर्शहरू:- नाकमा विभिन्न किसिमका असाधारण, अगाडि हुँदै नभएको चिजको गन्ध आउँछन् । जस्तै धुप बालेको वासना अथवा दुर्गन्ध गन्हाउने, मरेको मान्छे जलाएको गन्ध, कुहिएको गन्ध, हस्पिटलको औषधीको गन्ध, ढल फोहरको गन्ध या खानेकुराको पकाएको वासना, फलफुलको वासनाहरु र भावना सँगै आउँछ । जस्तो कि कुनै खानेकुराहरु पाक्दै गरेको, मिठो स्वादको यस्तो खाउ भनेर चित्रको साथै भावना आउँछ । नाकबाट अचानक सिँगान बग्ने, नाक बन्द हुने हुन्छ । त्यति खेर त्यस व्यक्तिले त्यस्तै अदृश्य चिजहरुको चर्चा गरिरहेको हुन सक्दछ । ती नाकमा आएका गन्ध सँग भावहरू आएका हुन्छन् कि ती गन्धहरू कहाँबाट आएका हुन् भनेर ।
छालाका असाधारण  स्पर्शहरू:- छालामा विभिन्न स्पर्शहरु हुने गर्दछ । पछाडिबाट कसैले छुने, हान्ने, तान्ने, घुच्याउने र भावहरु सहित आउँदछ । पछाडिबाट कुनै आइमाईले छोएको, हानेको जस्तो लाग्ने तर पछाडिको घटना भए पनि त्यस दृश्यको चित्र, पहिरन, गहना देख्न सकिन्छ । पछाडिबाट हानिने चिजको पुरा चित्र, रङ्ग, बुट्टा, सहितको आभास आउँछ । साथै डर त्रास र शरीर चिसो हुने, छालामा काँडा उम्रने, खलखल पसिना आउने हुन्छ । यसै बेला दिमागमा त्यस्तै अदृश्य चिजहरुको कुराहरु याद आइरहेको हुन्छ । कहिले कहिले शरीर तातो, अति तातो, ज्वर आए जस्तो हुने, कहिले  कहिले शरीरमा जाडो, चिसो, हिउँ जस्तो हुने हुन्छ । यी लक्षणहरू पनि असाधारण स्पर्शहरू हुन सक्छन् तर शारीरिक कारणबाटआएका लक्षणहरू हुन् कि भनेर पहिला शारीरिक कारण खोज्नु पर्दछ ।
कानका असाधारण  स्पर्शहरू:-कानमा विभिन्न असाभारण आवाजहरु आउने हुन्छ । आँखा र कान मानिसको बढी विकसित अङ्ग भएकोले यस अङ्गहरुमा बढी सम्पर्कहरु हुन्छन् । मानिसले कानले सुनेको भाषा बुझ्ने, बोलीको स्वर चिन्ने, अर्थ बुझ्ने हुन्छ । त्यसैले त्यही खालका स्पर्श र आवाजहरु आउने हुन्छन् । कानमा कसैले बोल्ने, कुनै शब्द या वाक्य आउने, कुनै सल्लाह आउने र तिनीहरुको आभास आउने हुन्छन् । कानमा बोल्नेहरुको स्वर चिन्न सकिन्छ । कहिले कहीँ आफ्ना चिनेको मान्छेको स्वरमा बोल्ने, नातेदार या साथीहरुको स्वरमा बोल्ने, मरिसकेको मान्छेको स्वरमा बोल्ने, केही माग्ने, सल्लाह दिने वा थर्काउने गर्दछन् । अर्कै ठाउँमा घटिरहेको घटनाको खबरहरु भनिदिन्छन् । कसैलाई अब पानी पर्छ, वा असिना पर्छ भनिदिन्छन् । त्यस्तै गरेर त्यस दिन पानी वा असिना परेको हुन्छ । कोही आफन्त, नातेदार, चिनेकाहरु मरेका छन् भने त्यो खवर २–४ घण्टा वा २—४ दिनपछि आउन सक्थ्यो भने १— २ मिनटमा कसैले आएर कानमा भनिदिन्छन् ।

जिब्रोका, बोलीका असाधारण  स्पर्शहरू:- जिब्रोमा असाभारण स्वाद आउने, अचानक नमिठो स्वाद वा अचानक मिठो स्वाद आउने हुन्छ, खाना रूच्ने खाना नरूच्ने जस्ता लक्षणहरू अचानक परिवर्तन हुन सक्दछन्, सधैँ खाने खानाको स्वाद अचानक परिवर्तन हुन सक्दछन्, खाने बानी नभएका खानाहरू अचानक खान मन लाग्ने हुन सक्दछन् । स्वाद मानिसको त्यति विकसित ग्रन्थि होइन त्यसैले धेरै स्पर्श र आभासहरु जिब्रो द्वारा हुदैनन् । तर बोली, शब्दहरु बढी विकसित भएकोले शब्द र बोलीहरु मार्फत बढी असाधारण स्पर्श र सम्पर्क आइरहेको हुन्छ । जस्तै अचानक कुनै शब्द मुखमा आउने, कुनै वेदशास्त्रका मन्त्रहरु मुखमा आउने हुन्छ । ती मन्त्रहरु पहिला जानेका पनि हुन सक्दछन् वा कहिल्यै नसुनेका पनि हुन सक्दछन् । मुखमा कुनै गीतका टुक्राहरु, कविताका टुक्राहरु, स्तुतिका टुक्राहरु आउँछन र सँगसँगै भाव आइरहेको हुन्छ । मनमा कुनैकुरा खेलिरहेको हुन सक्दछ भने या कुनै प्रश्नहरु उब्जिएका छन् भने त्यस्को उत्तर जस्तो भावका शब्द, वाक्यहरु, कविताका टुक्रा, गीतका, स्तुतिका टुक्राहरु, मन्त्रहरु आएका हुन्छन् । अचानक पहिला घटेका कुराहरु, इतिहासका कुराहरु, भविष्यका कुराहरु, वेदशास्त्रका कुराहरु जुन उस्ले कहिले पनि पढेको छैन ती कुराहरु भन्न सक्दछन् । देवी देवताका परिचय वा तिनका गुणहरुका कुराहरु गर्न सक्दछन् । कुनै घटना अन्तै घटि सकेको छ भने तर त्यहाँ कसैलाइ थाहा छैन भने मुखबाट आफै शब्द निकालेर बोली दिन्छन् । ओँठहरु थर्थरकाम्दै आफै शब्दहरु निस्कन्छन् र भावहरु आइरहेको हन्छन् ।

मुखमा आफै शब्दका टुक्राहरु आउँनेको तिन प्रकारका हुन्छन ।
क. पहिलो स्तर :-  मानिस अस्वस्थ तेस्रो नेत्रको अवस्था भएको वेलामा शारीरिक, मानसिक, पारिवारिक,आर्थिक, सामाजिक कष्टहरूले घेरिएको हुन्छ । त्यसरी अति असक्त, अस्वस्थ अवस्था हुँदा र समस्याहरूले घेरिएको वेलामा मुखबाट अचानक शब्दहरू, बोलीहरू आउँछन् भने ती शब्दहरू, बोलीहरूमा कष्ट दुःखका कुराहरु आउँछन् जस्तै गाली, झगडा, रिस, मन दुखेका कुराहरू, मर्न मन लाग्ने, अरूलाई मार्न मन लाग्ने जस्ता कुराहरू आउँछन् ।
ख. दोस्रो स्तर :- पहिलो स्तरकाअस्वस्थमा बिरामीले आफन्तहरुको सहयोग पाउन थाल्यो र बिरामीले गुहार पाउन थालेपछि ती आउने शब्दहरुमा शिक्षा, सल्लाह, उपायहरु, रहस्यहरु, उत्तरहरु बताइ दिने गरेर आउँछन् ।
ग. तेस्रो स्तर :- विरामीले उपचार पाएर अलि ठिक र सन्चो अनुभव गर्न थाले पछि कष्टहरु एकदमै कम भइ सकेको अवस्थामा आएका शब्दहरूमा सुरूका शिक्षाहरूआउँन बन्द हुन्छन् वा घट्न थालेको हुन्छन्  र अव हाँसि मजाकका कुराहरु आउने हुन्छन्, केही खबरहरु शिक्षाहरू, उत्तरहरु, उपदेशहरू हाँसि मजाकको भाषामा आउने हुन्छ । यो हाँसि मजाकका कुराहरु पछि पछि सम्म पनि हुँदै गरेको हुन्छ । यस अवस्थामा ती असाधारण स्पर्शका शब्दहरू सँग नजिकता, मित्रता, आफन्त नाता जस्ता सम्बन्ध भएको हुन्छ र बानी परेको हुन्छ ।

यी सबै ग्रन्थिहरूका असाधारण स्पर्शहरु मानिसको ज्ञानेन्द्रियका अङ्गहरूका साधारण अवस्थामा मात्रै स्पर्श गर्न सक्ने सिमाना कटेर अन्य जनावर जीवहरुको गुणहरु सँग मिल्न जाने गुणहरुका सिमानामा पुगेर स्पर्श हुन पुगेको हो । यीनै स्पर्शका माध्यमबाट अदृश्य लिँग शरीरहरु हामीसँग सम्पर्कमा आएका हुन्छन् ।

मानिसमा साधारण अवस्थामा साधारण स्पर्शहरू मात्र स्पर्श गर्न सक्ने क्षमतामा रहेको हुन्छ । तर वास्तविकतामा मानिसका ज्ञानिन्द्रियका अङ्गहरूमा मानिसको क्षमता भन्दा बाहिर अन्य जनाबर, चराचुरूङ्गीहरूका ज्ञानेन्द्रियका क्षमता पनि लुकेर सुषुप्त अवस्थामा रहेको हुनसक्दो रहेछ । साधारण अवस्थामा मानिसको आफ्नो क्षमता भन्दा बाहिरका क्षमतालाई पर्दा जस्तो आवरणले घेरेर आवस्णक कुराहरूमात्र लिन सक्ने भएर बसेको हुँदो रहेछ । यी आवरणहरु पर्दा जस्तो भएर बसेको हुन्छ र त्यस पर्दा बाहिरको स्पर्श हामीमा आएको हुँदैन । यी पर्दाहरु पातलो भएको, पर्दा च्यातिएको, मानिस आफु पर्दाको एकदम नजिक पुगेको अवस्थामा हुन आएका असाधारण स्पर्शहरु हुन् । या पर्दाको नजिक पुगेर केही चिजको शङ्का भएकोले धेर बेर कान लगाएर एकान्तमा सुन्न खोज्दा सुनिन आएको अवस्थामा त्यस पर्दा बाहिरका आवाज, चित्र, बोली, भावहरु स्पर्श हुन आएका हुन् ।

त्यसैले अस्वस्थ तेस्रो नेत्रका कारण कुनै मानिस असक्त भएका छन् भने प्राय ती विमारीहरू आफ्ना कारणले नै विरामी अवस्थामा पुगेका रहेछन् । यस सृष्टिमा अदृस्य पितृहरू, भुत प्रेतहरू, बोक्सीहरू, देवीदेवताहरू रहेछन् । तर साधारण अवस्थामा मानिसले ती अदृस्य पितृहरू, भुत प्रेतहरू, बोक्सीहरू, देवीदेवताहरू सम्पर्क गर्न सक्ने अवस्था वा क्षमता विकसित थिएन । तर मानिसहरूले जानेर वा नजानेर ती अदृस्य पितृहरू, भुत प्रेतहरू, बोक्सीहरू, देवीदेवताहरूका चर्चाहरू गर्दा र धेरै चर्चाहरू गर्दा उनीहरूमा ती अदृस्य पितृहरू, भुत प्रेतहरू, बोक्सीहरू, देवीदेवताहरू सँग नजिकता हुन पुगेछन् र तीनीहरूका ज्ञानेन्द्रियहरू आफ्ना मानव जाती भन्दा बाहिरका क्षमताका ज्ञानेन्द्रियहरूका क्षमता विकसित हुन पुगेछन् र उनीहरूमा असाधारण स्पर्शका क्षमताहरू आएका रहेछन् । हुनत यो मानव जीवनका लागी धेरै महत्वपूर्ण क्षमता हो । मानव भएर ती अदृस्य पितृहरू, भुत प्रेतहरू, बोक्सीहरू, देवीदेवताहरू सँग सम्पर्क गर्न सक्ने तिनीहरूलाई  देख्न सक्नु, सुन्न सक्नु र तीनीहरुका रहन्यहरु स्पर्श गर्न सक्ने भनेको ठुलो उपलब्धि र क्षमता हो । तर अल्पज्ञानको अवस्थामा मानिसहरुको तेस्रो नेत्रले मानसिक रोगको सँज्ञा पाएर आफु, आफन्तका जीवनलाई कष्ट पूर्ण बनाएका थिए । तर अव तेस्रो नेत्रको सहि ज्ञान द्वारा स्वस्थ तेस्रो नेत्र द्वारा ती अदृस्य पितृहरू, भुत प्रेतहरू, बोक्सीहरू, देवीदेवताहरू देख्न सक्ने हुन सकिन्छ र सृष्टि जीवन, मृत्यु र तेस्रो नेत्रको रहस्यको अमृत पिएर सुखि जीवन बाच्न सकिन्छ ।

यदि मानिसमा ज्ञानेन्द्रियका अङ्गहरूको आफ्नो क्षमता भन्दा बाहिर अन्य जनाबर चराचुरूङ्गीका क्षमतामा पुग्दा ती अदृस्य पितृहरू, भुत प्रेतहरू, बोक्सीहरू, देवीदेवताहरूलाई देख्न सकिन्छ भने ती जनाबर, चराचुरूङ्गीहरूमा ती अदृस्य पितृहरू, भुत प्रेतहरू, बोक्सीहरू, देवीदेवताहरूलाई देख्न सक्ने क्षमता छन् होला जस्तो लाग्दछ ।

 

तेस्रो नेत्रको आभास दिने अङ्गहरु  र  तेस्रो नेत्रको  स्रोत

आज सम्मको विज्ञानको र चिकित्साशास्त्रको तर्क अनुसार हरेक ज्ञानेन्द्रियहरूमा सँचारका जालोहरू हुन्छन् । ती जालोहरू आफ्नो आफ्नो मार्ग अनुसार सेन्ट्रल नर्भस सिस्टम ब्रेनमा सम्बन्ध रहेका हुन्छन्  र सेन्ट्रल नर्भस सिस्टमको ब्रेनमा ती ज्ञानेन्द्रियका केन्द्रहरू हुन्छन् । ब्रेनमा अरू ज्ञानेन्द्रियका केन्द्रहरू पनि हुन्छन् र ती थुप्रै केन्द्रहरू एक आपसमा सम्बन्धित हुन्छन् । तिनै केन्द्रहरूका एक आपसका सम्बन्धहरू द्वारा ज्ञानेन्द्रियहरूका अरू अङ्गहरूसँग सम्पर्क गर्ने गर्दछन् । सेन्ट्रल नर्भस सिस्टमका सँचालनका लागि चाहिने बिजुलीको स्रोत मुटुमा उत्पन्न भएको बिद्धुतको इम्पुल्सबाट सुरू भएको छ भनेर भनिएको छ । त्यस ब्रेनका ज्ञानेन्द्रियका केन्द्र भन्दा माथी अन्य कुनै सम्बन्धका केंद्र वा माध्यमहरू छन् भनेर चिकित्साशास्त्रले भनेको छैन भने लिङ्ग शरीरका कुरा, ब्रह्मका कुरा त विज्ञानले कतै गरेको नै छैन ।

तर यस किताबका लेखकहरूको तर्क अनुसार सेन्ट्रल नर्भस सिस्टमलाई मुटुसम्म सँचारका तारले जोडेको हुन्छ । मुटुमा लिङ्ग शरीर बसेर आफ्ना केसर जस्ता रेसाहरू मार्फत शरीरमा सँचार फैलाएको हुन्छ भने लिङ्ग शरीरको एउटा केसर ब्रह्ममा जोडिएको हुन्छ । ब्रह्मको गुणहरु शान्त, आनन्द, स्वप्रकास र चेतनाको हुन्छ । जीवहरूमा पनि ब्रह्मको गुणहरु शान्त, आनन्द, स्वप्रकास र चेतनाको सानो भाग रहेको हुन्छ र हरेक जीव ब्रह्मसँग जोडिएको हुन्छ । जीवमा प्राप्त हुने उर्जा ब्रह्मबाट आएको र त्यहि लिङ्ग शरीरको केसरहरू मार्फत स्थुल शरीरमा पुगेको हुन्छ भनेर अगाडीका पाठहरूमा वर्णन गरियो । त्यसैले स्थुल शरीरमा र लिङ्ग शरीरमा प्राप्ट हुने चेतना र उर्जा ब्रह्मबाट आएको हो रहेछ । लिङ्ग शरीरले आफ्नो चेतनाको स्तर अनुसार स्थुल शरीरको सँचालन गरिरहेको हुन्छ र स्थुल शरीरले गरेको सबै अनुभवहरू लिङ्ग शरीरमा आवरणका रूपमा सँचय भएर रहेको हुन्छ । स्थुल शरीरको मृत्यु पछि पनि लिङ्ग शरीरहरू आफ्नो आफ्नो स्तरको चेतना लिएर जीवित रहन्छन् र जीवित मानिसहरू सम्म सम्पर्क गर्न चाहन्छन् वा गरिरहेका हुन्छन् । त्यसैले यस किताबका लेखकहरूको तर्क अनुसार मानव शरीरका हरेक स्पर्शहरूको सँचार मानिसको ब्रेन सम्म मात्र नपुगेर ब्रेनबाट मुटुमा बसेको लिङ्ग शरीर हुँदै ब्रह्म सम्म पुगेको हुन्छ । तेस्रो नेत्रको स्रोत लिङ्ग शरीरहरू र ब्रह्म हो र स्थुल शरीरका ज्ञानेन्द्रियहरूका असाधारण स्पर्शहरू गर्न सक्ने क्षमताका कारण लिङ्ग शरीरहरू र ब्रह्मको चेतनासँग सम्पर्क हुन सम्भव भएको हो ।

त्यसैले मानिसमा तेस्रो नेत्रको स्पर्शहरू पैदा हुनुमा स्थुल शरीरका अङ्गहरूका क्षमतामा पनि परिवर्तन आएर मानिसको साधारण क्षमता भन्दा बाहिरको क्षमतामा पुगेको हुनु पर्दछ र मानिसको स्थुल शरीरलाई वा लिङ्ग शरीरलाई अन्य लिङ्ग शरीरले सम्पर्क गरेर केहि लेनदेन गर्न खोजेको वा केहि लेनदेन गरेको हुनु पर्दछ । यसरी मानिसको स्थुल शरीरलाई अन्य लिङ्ग शरीरले सम्पर्क गरेको अनुभवको अवस्था नै मानिसको तेस्रो नेत्रको अवस्था हो । अन्य लिङ्ग शरीरहरू सँग भएको सम्पर्कका बारेमा सहि जानकारी भएको अवस्था तेस्रो नेत्रको स्वस्थ अवस्था हो भने अन्य लिङ्ग शरीरहरू सँग भएको सम्पर्कका बारेमा सहि जानकारी नभएका अवस्थामा  तेस्रो नेत्रको अस्वस्थ अवस्था हो । हामी लेखक डाक्टरहरूले नै यस तेस्रो नेत्रका बारेमा अध्ययन, अनुसन्धान, खोजि गरेर यस किताबमा लेखेको र हामी डाक्टरहरूले नै यस्को सहि जानकारीका बारेमा चर्चा सुरू गरेका हौँ । अझ स्पष्ठ भन्ने हो भने यस किताबमा वर्णन गरिएका तेस्रो नेत्रका वर्णन नजानीकन गरिएका तेस्रो नेत्रका अन्य सबै चर्चाहरू र वर्णनहरू सबै अपूर्ण हुन् भन्न मिल्दछ । हुन त यसरी ठाडो तरिकाले अर्काका वर्णन र विचारलाई मान्यता नदिए जस्तो गरेर भन्न त नमिल्ने हो तर हामी डाक्टरहरु हौँ । हाम्रो उद्देस्य यस विषयसँग सम्बन्धित विरामीहरूले समयमा नै उचित उपचार र उद्दारहरु पाउन भन्ने हो । विरामीले उपचारका सट्टा झन गलत सुझाब र गलत उपचार पाउने हरेक सम्भावनाहरू विफल हुन् र विरामीलाई यस अस्वस्थ अवस्थाबाट सिघ्रलाभका उपायहरू उपलब्ध होस् भन्ने हाम्रो चाहना छ ।

अब यस किताबको ज्ञान, अनुभव र अभ्यास द्वारा हरेक मनिसमा असाधारण स्पर्श गर्ने क्षमता वा स्वस्थ तेस्रो नेत्र विकसित गर्न सकिन्छ । स्वस्थ तेस्रो नेत्रको उपयोग गरेर सृष्टिका रहस्य पितृ, भुत प्रेत, बोक्सी, देवीदेवताहरू सँग देखेर, बोलेर अनुभव गर्न र जीवनका बारेमा गहिराइ पुगेर बुझ्न सकिन्छ । यसै स्वस्थ तेस्रो नेत्रको उपयोग गरेर देवी देवताहरू शीवजी, दुर्गामाता तथा दुर्गा माताका अन्य रूप तथा अवतारहरू, गणेशजी, हनुमानजी,  सिताराम, राधाकृष्ण अन्य ब्रह्मज्ञानी देवीदेता सँग प्रत्यक्ष कुरा गर्न सकिन्छ , ब्रह्मको अनुभव , सदाशिव (कैवल्य मुक्ती) को अनुभव गर्न सकिन्छ ।

समाजमा आज सम्म ब्रह्मज्ञानका विज्ञानका बारेमा सहि जानकारी थिएनन् र चिकित्साशास्त्रका कतियपय लक्षण र रोगहरू ब्रह्मज्ञानका विज्ञान खण्डका ज्ञानहरू सँग सम्बन्धित छन् । अबका दिनहरूमा चिकित्साशास्त्रका डाक्टरहरू यस किताब ब्रह्मज्ञानका विज्ञान खण्डका ज्ञान नजानी विरामीका उपचार र विरामीका चिरफारमा अग्रसर हुन्छन् भने तिनले गरेका कार्यहरू सबै सहि छन् भन्न मिल्दैन र यदि त्यसो गर्छन भने ती चिकित्साशास्त्रका डाक्टरहरू मानिसको प्रमुख शरीर लिङ्ग शरीरको वेवास्ता गरेर मानिसको स्थुल शरीरको, हाडमासुको शरीरको मात्र वास्ता र हिसाब किताब गर्ने भए । मासु पसलमा, बुचर कहाँ पनि त्यहि हाडमासुको मात्र मुल्य हुन्छ ।

 

 

⇐विषय सूचीमा फर्कन

This post is also available in: English