शिवजीले दिनुभएको गीत
लेखकः सफल शेरचन (लण्डन)
शीर्षकः उज्यालो हजार सुर्यको
उज्यालो हजारौं सुर्यको,
उज्यालो हजारौं सुर्यको,
उज्यालो हजार सुर्यको,
जहॅाबाट आयौं, फर्कनु त थियो ।
तर, बाटो भुलेको ।।..४
समयले जन्म दियो, समयलेनै लान्छ ।
आज आज भोली भन्दै, सारा जीवन जान्छ ॥…हो…२
जीवन भरका याद अनुभव, सबै बोकि लान्छ ।…२
भवसागरमा, फेरी तानिन्छ ।।..४
भाग्यमानी हौ तिमी, पायौ मानव चोला ।
यही चोलामा बिसाउने हो, जनम जनमको झोला ॥.हो..२
समय हेर बगिराछ, बगेझैं खोला ।…२
फेरी, पछुतो होला ।।…४
पानीको सागर हैन, भवसागर ।
एक दिन फसिन्छ है, आजै बिचार गर ॥… हो…२
भोक प्यास सबै भ्रम हुनेछ, भनी जान्नु छनि ।…२
गुहार माग्दै, रूनु पर्लानी ।। …४
चेतना र स्वप्रकाशले, चलेको छ सृष्टि ।
हरेक जीव हरेक कुनामा, भगवानको दृष्टि ॥.हो..२
नियम हो यो बिधाताको, सबले मान्नै पर्छ ।…२
आए एकदिन, जानै पर्छ ।। ..४
मानिसले मात्र बुझन सक्छ, सृष्टि के हो भनि ।
म को हॅु र कसरी आएं, भनि जान्नु छ नि ॥…हो..२
जीवित छॅदै स्वप्रकाशको, अनुभव गर्नुछ ।..२
भवसागर, पार गर्नुछ ।।..४
वास्तबिक नबुझिकनै, चल्यो चलन चल्ती ।
सहि के हो थाहा नहॅुदा, भयो धेरै गल्ती ॥ हो…२
सृष्टिकर्ता चिनाउन, ब्रह्मज्ञान आयो ।…२
बुझ्न, सक्नेले पायो ।।..४
सारा जीवन खर्चिएर, ल्याए ब्रह्मज्ञान ।
संयोगले फर्कनु भयो, गैसकेको ज्यान ॥…हो…२
सिकाएरै बस्ने खासै, इच्छा त थिएन ।…२
आज्ञा शिवजीको, नमानि भएन ।।…४
शिवजीको चाहाना नी, सबले बुझुन् भन्ने थियो ।
खान लाउन ब्यस्त सबै, ध्यान कस्ले दियो ॥…हो…२
रूदै आउने रूदै जाने, चलन यस्तै थियो ।…२
ब्रह्मज्ञानले, अब बदलियो ।।..४
उज्यालो हजारौं सूर्यको ।
उज्यालो हजार सूर्यको ।।
फर्कि आउने भए, आऊनत भन्दै ।…२
आमाले, बाटो कुरेको ।।
बाबाले, बाटो कुरेको ।। …२
……………………………………………………………………………………………………………………………………………………………….
सदाशिवजीकी जय 
, दुर्गामाताकी जय, बजरङ्गबली हनुमानजी कि जय , सम्पूर्ण ब्रह्मज्ञानी देवीदेवताहरू कि जय,
सर म्यादमलाई हृदय देखिनै धेरै धेरै धन्यवाद , सम्पूर्ण ब्रह्मज्ञानी साथीहरूलाई धन्यवाद —लेखकः सफल शेरचन
