⇐विषय सूचीमा फर्कन

पाठ ३.२

मानिसको अपूर्ण मृत्यु (Men’s incomplete Death)

मानिसको हामीले देख्ने गरेको मृत्यु भनेको त्यस स्थुल शरीरलाई आफ्नो लिँग शरीरले त्यागेको हो । त्यस स्थुल शरीरलाई त्यागेपछि पनि चेतनाको लिँग शरीर जीवित रहन्छ । त्यसैले हामीले देख्ने गरेको मृत्यु अपुर्ण मृत्यु मात्र हो ।
वास्तवमा मानिसको जीवनमा सबै कार्य र कर्महरुको कर्ता कार्य लिँग शरीरले नै गरेको हुन्छ । स्थुल शरीर, लिँग शरीर र आत्मा शरीरको सम्युक्त शरीरले गरेका अनुभवहरु स्थुल शरीरको मृत्युपछि लिँग शरीरमा याद रहेको हुन्छ । त्यसैले मानिसको सँयुक्त शरीरले गरेका कामहरु, कामका यादहरु, कामका सम्बन्धहरु, पढेका बुझेका कुराहरु, नाता सम्बन्धहरु, सुख, दुःख, रोजगार, सम्पत्ति, मित्रता, शत्रुता आदि सबै उसको चेतनाको लिँग शरीरमा याद रहेको हुन्छ र स्थुल शरीरको मृत्युपछि पनि ती यादहरुलाइ साथै लिएर जान्छ ।

यसरी स्थुल शरीरको मृत्यु अथवा त्यागपछि पनि लिँग शरीर जीवित रहेको हुन्छ र मृत्युपछि अपूर्ण चेतनाको अवस्थामा केही भ्रमको चेतना सहित उ आफ्ना परिवारका सदस्यहरुसँग, नातेदारहरुसँग, साथीभाईहरुसँग, रोजगार वा अन्य कुनै सम्बन्धितहरुसँग सम्पर्कमा आइरहेको हुन्छ वा आउन खोजेका हुन्छन् । त्यसैगरी अन्य विभिन्न लिँग शरीरहरु हुन्छन् जसले मानिसहरुसँग सम्पर्क गर्न चाहेका र सम्पर्क गरिरहेका हुन्छन् ।

विज्ञान, चिकित्साशास्त्र र कानुनले मृत्युपछिको अस्तित्व अस्विकार गरे पनि र धर्म संस्कारहरूले स्पष्ट गरेर नबुझाए पनि मानिसहरूले सताब्दियौँदेखि मानिस मरेपछि पनि उ अझै सम्पर्कमा आइरहेको छ भन्ने आभास पाएका थिए । यो कुरा धर्ममा आस्ता राखे पनि वा नराखे पनि, जुन सुकै धर्मका भए पनि, जुनसुकै देश, जुनसुकै भाषा भएपनि, विकशित वा अविकशित देशका सबैले धेर थोर अनुभव गरेका थिए । झन अलि उमेर ढल्किसकेकाहरू, आफ्ना परिवारमा आफ्ना प्यारा आफन्तहरू मरेका छन् भने ती मरेकाहरू अझै कुनै अवस्थामा जीवित छन् कित भन्ने आशँका गरेका हुन्छन् । कोही कोही झन् तिनै मरेकाहरूलाई सम्झेर रूनेहरू त झन् गहिराइमा पुगेर ती मरिसकेकाहरूको सम्पर्कमा पुग्न सक्ने सम्भावना हुनेरहेछ । तर त्यो सम्पर्क अर्थ र उपाय नभएको अवस्थामा जीवीत मानिस आफै अस्वस्थ भएका रहेछन् ।

ती मरेका मानिसहरूसँगको सम्पर्कहरू विभिन्न सन्दर्भमा प्रत्यक्ष देख्न पाइने वा भिडियोहरूद्वारा अनुभव गर्नसकिने प्रमाणहरू पेश गरिएको छ ।

तर मरिसकेकाहरूसँगको सम्पर्क कसरी भयो भन्नेकुरा यस किताबलाई अझै गहिराइमा पढेर थाहा हुन्छ भने मरेकाहरूसँगको सम्पर्क साँचो हो कि होइन भन्ने कुरा ती मरेकाहरूको आफन्त चिने जानेकाहरूले चिनेर बताउने हो ।

⇐विषय सूचीमा फर्कन

This post is also available in: English