सन्दर्भ -शिवजीसँगकाे कुराकानी
दुई हप्ता जति भयो मेरो ब्रह्मज्ञानी साथीहरुले मसंग केही सहयोग माग्ने गरेका छन् अर्थात विभिन्न किसिमको सहयोग |म आफैलाई थाहा छैन अचानक किन यस्तो भयो भनेर |साथीहरुलाई विभिन्न ठाउँमा मेरो सहयोग चाहिएको अनुभूति गराउनु भएको थियो |मैले जवाफमा सकेको जति म गर्नेछु सबैलाई भनेर भन्न आउँछ तर उहाँहरुलाई मबाट कस्तो सहयोग चाहिन्छ भन्ने कुरा म आफैले बुझेको हुने थिएन |यसै क्रममा एक्लै बस्दा शिवजीलाई यो कुराको गुनासो राखें |किन होला शिवजी साथीहरुले मसंग सहयोग मागेको ? के म सहयोग गर्नको लागि योग्य छु त ? भनेर सोध्दा यस्तो कविता दिनुभयो |
ब्रह्मज्ञानमा आयौ तिमी यसको भाव बुझाएँ ।
म को हो भनेर तिमीलाई मैले सुझाएँ ।।
अब त तिमी ब्रह्मज्ञानी भएछौ मैले सिकाएँ ।
यो कुराको महसुस तिमीलाई धेरै गराएँ ।।
आफ्नो कर्तब्य पुरा गर्न सधैं गर अघि बास ।
लोभ ,माया ,रिस जस्ता कुरामा तिमी नफस ।।
सन्तोष होऊ आफुले पाएको ज्ञान र कर्तब्यमा ।
सबै मिलाई बस अब त यात्रा गर्नुछ मेरो साथमा ।।
तिमीलाई अझै केही कुरा सिकाउनुछ मैले ।
खुशी मिलेको छ तिम्रो त्यो सहयोग पाउनाले ।।
खुशी बन मैले नै हो तिमीलाई योग्य बनाएँ ।
केही कुरा नसोंची झट्ट निर्णय गरि मतिर आए ।।
सहयोग गर तिम्रा ब्रह्मज्ञानी साथीहरुलाई आज ।
जाँच लिएकोछु तिम्रो उनीहरु मार्फत तिम्रो काज ।।
हौसला बढाई देउ सबैको म त खुशी छु अहिले ।
यो कुराको आभास मैले गराएको हो पहिले ।।
पछि हट्ने होइन हात अगाडी सारी हिंड्ने गर ।
म त छु नि तिमीसंग पाईला लामो सार्ने गर ।।
सबै किसिमको सहयोगको भाव राख्ने गर ।
तिमी कहाँसम्म पुग्छौ भनी म हेर्छु वरपर ।।
शिवजीको यस्तो जवाफ कविता मार्फत पाउँदा मलाई साह्रै खुशी लाग्यो । उहाँ सधैं मेरो साथ हुनुहुन्छ भन्ने आभास भयो । यो सबै तेस्रो नेत्र मार्फत सम्भव भएको हो ।
This post is also available in: English